Plantun de Prouvènço

Pèr coumpara dos planto d'encò nostre

Zannichellia obtusifolia & Echium creticum

Zannichellia obtusifolia

Potamogetonaceae

Nom en français : Zannichellie à feuilles obtuses.

Descripcioun :
Li zaniquelìo soun de pichòti planto d'aigo pas trop couneigudo que dounon d'èr is espigo-d'aigo di fueio primo. La zaniquelìo-di-fueio-óutuso se rescountro soulamen dins li palun sala dóu tèms de la primo e pièi sè à l'après. Se recounèis à si flour masclo dis estamino proun longo (fielat) e à si fueio larjo (0,8 mm) emé lou bout óutus. La planto èi proutegido en listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 Cm
Fueio : óupousado
Tipe bioulougico : Idroufite
Cicle bioulougico : Planto de l'an

Gènre : Zannichellia
Famiho : Potamogetonaceae

Ordre : Alismatales

Coulour de la flour : Verdo
Petalo : ges
Ø (o loungour) flour : 1,5 mm
Flourido : Printèms - Estiéu

Sòu : Ca
Autour basso e auto : 0 à 200 m
Aparado : Noun
Abriéu à juliet

Liò : Aigo - Palun
Estànci : Mesoumediterran
Couroulougi : Estenoumediterrano-Ouèst
Ref. sc. : Zannichellia obtusifolia Talavera, García-Mur. & H.Smit, 1986

Suçamèlo(-de-Crèto)

Echium creticum

Boraginaceae

Nom en français : Vipérine de Crète.

Descripcioun :
Aquelo suçamèlo trachis dins li tepiero seco e lis éusiero sus sòu séusous. Se recounèis à si lònguis enflourejado e à si gràndi flour roujo que podon faire fin qu'à 35 mm de long. Li fueio de la baso porton un pecou. A la subsp. dóu nostre, ié dison creticum.

Usanço :
Couneissèn pas d'usanço particuliero pèr aquelo planto. Li flour dèvon èstre bono à suça coume pèr sa cousino. Escriéure au site se n'en sabès mai.